De Plattdütske Stammtafel in Leer un umto

Wi sünd een Koppel van Lüü, de meesttieds elke twede Maandag in d` Maant in’t Klottjehuus in Leer (Oostfreesland) tosamen kummt. Tegen 19.30 Ühr lopen wi so langsam up. Dat Enn is neet fastleggt un hangt van Lüst un Luun of. Meest bünd dat twee Stünnen, annermaal wat langer un of un an ok maal wat körter – „Elk naa sien Möög“. Faak hebben wi ok Programm mit Muuskanten of Schrieverslüü of noch anners wat.

Bi uns is elk un een van Haarten welkomen, de mit uns tosamen de plattdütske Taal plegen will. He of se mutt daarum aver sülvst kien Plattdüütsken wesen, dat lehrt een bi uns van heel alleen.

De Plattdüütske Stammtafel Leer un umto sitt unner dat Dack van de Vereen Oostfreeske Taal i.V.

Laat jo maal sehn!