Lesens in d‘ Plattdüütskmaant

Allgemeen 29 August, 2017

Septembermaant is in Oostfreesland Plattdüütskmaant. Daar geböört denn dat een of anner, för groot Lüü un ok för de lütje Minsken. De Schrwieverske Traute Bohlen-Müller hett för all wat to beden. Dat gift in d‘ Septembermaant twee Lesens van hör in Leer, in de Stadtbibliothek.

An de 7. September, Klock veer, gift dat dat Programm „Binnerste buten“ – Smüstern bi Tee un Kook. In de plattdüütske Vertellsels un Gedichten geiht dat över alls, wat Minsken in hör Olldag beleven könen, pläseerelk un ernst. Intree is free.

För Kinner (so veer Jahr un oller) is dat plattdüütske Billerbookkino an d‘ 26. September, ok um Klock veer. Daat heet dat denn „En Puus up Stapp“. Traute Bohlen-Müller vertellt d’rbi, wat de Katt Mimi in hör eerste Jahr so utfrett un waarum se up Maal heel dörnanner is. Daar word denn ok en bietje bi klütert un tütert. Intree is daar ok free.

Schriev en Kommentar


Wordpress Themes van Mobile Themes / Jim / Übersetzt ins Deutsche von Pascal Senn
Copyright © 2007 Platt in Leer. All Rechten bi uns / All rights reserved.