Beleevnissen

Gedichten Kien Kommentar »

Al weer dat verkehrte Bladdje in d‘ Breevkasten

de Klingel geiht ok nich

Strunt liggt in ‘t Trappenhuus

noch en Barg Papier up d‘ Schrievdisk

de Pott mit Melk, de an ‘t Överkoken is

ik hebb mi Solt in de Tee daan

kien Kees mehr in d‘ Köhlschapp

de Botter al völs to old

buten vör ‘t Fenster ballert en Presslufthamer

dat is brannerg heet in mien Kamer

un ik denk an mien blöderg Hart,

dat daar in Hambörg up d‘ Trappen liggt

Mit dit Gedicht hett Antje Olthoff ut Loog jüst de daarde Pries wunnen bi de 10. Plattdüütske Literaturwettbewarv van dat Bladd Nordkurier in Neeibrambörg (Mecklenbörg-Vörpommern).

Tied

Gedichten Kien Kommentar »

De Vögels singen
De Blömen bleihen so moi
Un Tied treckt vörbi

Treckt vörbi ohne di
Rennst achteran, kummst to laat
Tied kannst neet griepen

Bliffst torügg alleen
Tied treckt wieder ohne di
Immer wieder, du steihst fast

Sarah T., Hannover

Well bün ik

Gedichten Kien Kommentar »

Well bün ik
un wat do ik hier?
Dat breng ik eerstmaal to Papier.
Oh nee, nu hebb ik de Salaat,
nu bün ik ok al Literaat!

Traute Bohlen Mueller
(freei na Robert Genhardt)


Wordpress Themes van Mobile Themes / Jim / Übersetzt ins Deutsche von Pascal Senn
Copyright © 2007 Platt in Leer. All Rechten bi uns / All rights reserved.